من دڵته‌نگم وه‌کوو له‌یلایه‌ک!
سه‌ره‌تای ساڵی 2008 چووم بۆ سوئێد، ناچار بووم له‌به‌ر خراپی که‌ش‌و هه‌وا به بلژیک‌دا بگه‌رێمه‌وه بۆ پاریس. دوایه 2 جاری دیکه چوومه‌وه، ده‌نگم که‌سی دانه‌چڵه‌کاند، بوونم بۆ کهس گرینگ نه‌بوو. سێ جار سه‌رم له نوروێژ هه‌ڵێنا. جارێک ڕووم له کانادا کرد، پاش ماوه‌یه‌کی زۆر دابڕان، چه‌ند که‌سم دیته‌وه‌و پێکه‌وه شه‌رابمان نۆشی، دوو جار ئامریکام به‌سه‌ر کرده‌وه هه‌ر جارێک ئه‌زمونێکی جیاواز بوو.
سه‌ره‌تای ساڵی 2008 چووم بۆ سوئێد، ناچار بووم له‌به‌ر خراپی که‌ش‌و هه‌وا به بلژیک‌دا بگه‌رێمه‌وه بۆ پاریس. دوایه 2 جاری دیکه چوومه‌وه، ده‌نگم که‌سی دانه‌چڵه‌کاند، بوونم بۆ کهس گرینگ نه‌بوو. سێ جار سه‌رم له نوروێژ هه‌ڵێنا. جارێک ڕووم له کانادا کرد، پاش ماوه‌یه‌کی زۆر دابڕان، چه‌ند که‌سم دیته‌وه‌و پێکه‌وه شه‌رابمان نۆشی، دوو جار ئامریکام به‌سه‌ر کرده‌وه هه‌ر جارێک ئه‌زمونێکی جیاواز بوو.
ئیدی بڕیارم‌دا بارگه‌وبنه بۆ ئه‌وه‌ێ بگوازمه‌وه‌و هه‌وڵ بده‌م ئۆقره بگرم، کچێکم ببێ له ڕه‌نگی هه‌تاوو بۆنی باران؟!
جارێک چوومه بریتانیا بۆ ئه‌وه‌ی بۆن به پرچی خاوی ژنێکه‌وه بکه‌م، که‌چی ته‌نیا پێکه‌وه هه‌نارمان خوارد؟!
له‌م سه‌فه‌رانه‌دا جانتاکه‌م وه‌کوو خاوه‌نه‌که‌ی ماندوو بوو له سه‌فه‌ری دوورو درێژ، ماندوو بوو له‌وه‌ی کهس چاوه‌ڕوانی کرانه‌وه‌ی ناکات...
حه‌زم ده‌کرد ئێستا له باوشی که‌سێکدا بگریم، یان شوشه‌ی غه‌مه‌کانی بشکێنم، به‌ڵام وه‌کوو هه‌میشه لێره نیه، دڵته‌نگیم...
دڵته‌نگی داگیری کردووم. خه‌و له چاوه‌کانم زڕاوه، هه‌رچی خۆم له نێو جێگاکه‌م‌دا دێنم‌و ده‌به‌م، که‌ڵکی نیه. ناچار له‌شی رووت‌و قووتم له نێو جێگاکه دێنمه ده‌رو کامپیوتێره‌که‌م داده‌گیرسێنم تاکوو دواین نامه بنووسم.
جارێک چوومه بریتانیا بۆ ئه‌وه‌ی بۆن به پرچی خاوی ژنێکه‌وه بکه‌م، که‌چی ته‌نیا پێکه‌وه هه‌نارمان خوارد؟!
له‌م سه‌فه‌رانه‌دا جانتاکه‌م وه‌کوو خاوه‌نه‌که‌ی ماندوو بوو له سه‌فه‌ری دوورو درێژ، ماندوو بوو له‌وه‌ی کهس چاوه‌ڕوانی کرانه‌وه‌ی ناکات...
حه‌زم ده‌کرد ئێستا له باوشی که‌سێکدا بگریم، یان شوشه‌ی غه‌مه‌کانی بشکێنم، به‌ڵام وه‌کوو هه‌میشه لێره نیه، دڵته‌نگیم...
دڵته‌نگی داگیری کردووم. خه‌و له چاوه‌کانم زڕاوه، هه‌رچی خۆم له نێو جێگاکه‌م‌دا دێنم‌و ده‌به‌م، که‌ڵکی نیه. ناچار له‌شی رووت‌و قووتم له نێو جێگاکه دێنمه ده‌رو کامپیوتێره‌که‌م داده‌گیرسێنم تاکوو دواین نامه بنووسم.
ئه‌مه نوێتریین نامه‌یه ده‌ینووسم‌و بێ ئه‌وه‌ی پۆستی بکه‌م به‌ڕێی ده‌که‌م.
ئازیزێک جارێکیان وتی: "سه‌رتا نامه بۆ که‌م کردنه‌وه‌ی دووری داهات".
نازانم که‌نگێ وه‌کوو جاری جاران سه‌رم ده‌په‌رژێ له‌سه‌ر سه‌هۆڵ نامه‌یه‌ک بنووسم، به‌ر له‌وه‌ی ژیان به خۆشی‌و ناخۆشییه‌کانییه‌وه له ئامێز بگرم، زۆربه‌ی شه‌وه‌کانی وه‌رزی سه‌غڵه‌ت‌و سه‌رما ئه‌و کاته‌ی ئاسمان ڕووناک‌و کزه‌ی سه‌رمایه‌کی ساردوسڕ هه‌نگاوه‌کانی مرۆڤی خێراتر ده‌کرد بۆ ئه‌وه‌ی له باوشێکدا بگیرسێته‌وه، یان له ته‌نیشت گه‌رمایه‌ک دامرکێ، له‌سه‌ر سه‌هۆڵبه‌ندانی به‌رده‌م ماڵه‌که‌ی خۆمان له لێڕه‌وارێکی دوور له ئاوه‌دانی چه‌ند په‌یڤی سارێژ له خۆشه‌ویستیم بۆ دڵداره‌که‌م ده‌نووسی، هه‌ر بۆیه به پێچه‌وانه‌ی هه‌موو خه‌ڵک له وه‌رزی تۆف‌وسه‌رمادا، زۆر جاران ئاواتم ئه‌وه بوو هه‌تاو هه‌رچی دره‌نگتر ده‌رکه‌وێ، ئاخر حه‌زم ده‌کرد ئه‌وینداره‌که‌م ببینێت تهنانهت له‌سه‌ر سه‌هۆل بۆم نووسیه‌وه خۆشم ده‌وێت. ئه‌زانم ئه‌و یان پێده‌که‌نی، یان ده‌یوت:" چه‌ند سه‌یریت...".
ئه‌و خۆی هه‌تاوێکی به تین‌وتاوو بوو. سه‌هۆڵبه‌ندانی ناخی منی ده‌توانه‌وه‌و وه‌جوڵه‌ی ده‌خستم.
نازانم که‌نگێ وه‌کوو جاری جاران سه‌رم ده‌په‌رژێ له‌سه‌ر سه‌هۆڵ نامه‌یه‌ک بنووسم، به‌ر له‌وه‌ی ژیان به خۆشی‌و ناخۆشییه‌کانییه‌وه له ئامێز بگرم، زۆربه‌ی شه‌وه‌کانی وه‌رزی سه‌غڵه‌ت‌و سه‌رما ئه‌و کاته‌ی ئاسمان ڕووناک‌و کزه‌ی سه‌رمایه‌کی ساردوسڕ هه‌نگاوه‌کانی مرۆڤی خێراتر ده‌کرد بۆ ئه‌وه‌ی له باوشێکدا بگیرسێته‌وه، یان له ته‌نیشت گه‌رمایه‌ک دامرکێ، له‌سه‌ر سه‌هۆڵبه‌ندانی به‌رده‌م ماڵه‌که‌ی خۆمان له لێڕه‌وارێکی دوور له ئاوه‌دانی چه‌ند په‌یڤی سارێژ له خۆشه‌ویستیم بۆ دڵداره‌که‌م ده‌نووسی، هه‌ر بۆیه به پێچه‌وانه‌ی هه‌موو خه‌ڵک له وه‌رزی تۆف‌وسه‌رمادا، زۆر جاران ئاواتم ئه‌وه بوو هه‌تاو هه‌رچی دره‌نگتر ده‌رکه‌وێ، ئاخر حه‌زم ده‌کرد ئه‌وینداره‌که‌م ببینێت تهنانهت له‌سه‌ر سه‌هۆل بۆم نووسیه‌وه خۆشم ده‌وێت. ئه‌زانم ئه‌و یان پێده‌که‌نی، یان ده‌یوت:" چه‌ند سه‌یریت...".
ئه‌و خۆی هه‌تاوێکی به تین‌وتاوو بوو. سه‌هۆڵبه‌ندانی ناخی منی ده‌توانه‌وه‌و وه‌جوڵه‌ی ده‌خستم.
یادی ئه‌و ڕۆژانه به‌خێر بۆ ماچی لێوه‌کانی کچێک ئه‌مسه‌روئه‌و سه‌ری وڵاتان ده‌ڕۆیشتم، جارێک له‌سه‌ر رێگای ژوان خه‌ریک بوو سه‌رم به فه‌نا بچێ، دوایه به حاڵیکی خراپ قوتاریم هات...
به‌رده‌وام ئه‌و ڕۆژانه له مندا له دایک ده‌بنه‌وه، تێمدا ده‌ژینه‌وه. من له‌گه‌ڵ خۆیان ده‌به‌ن.
به‌رده‌وام ئه‌و ڕۆژانه له مندا له دایک ده‌بنه‌وه، تێمدا ده‌ژینه‌وه. من له‌گه‌ڵ خۆیان ده‌به‌ن.
ته‌نیایی ئهم ڕۆژانه فێری ئه‌وه‌م ده‌که‌ن له‌سه‌ر خۆتر هه‌نگاو بنێم، فێرم ده‌که‌ن رێز له خۆم‌و ته‌نیای خۆم بگرم، فێرم ده‌که‌ن قه‌ت باسی کهس لای کهس نه‌که‌م، نامه بنووسم‌و گوێ نه‌ده‌مه کهس، تهنانهت ئه‌و کاتانه‌ی ئه‌یانه‌وێت به ناوی حه‌یاو نه‌جابه‌ته‌وه بێ ده‌نگ بم‌و زار ببه‌ستم. تهنانهت ئه‌و کاتانه‌ی وڵامم ناده‌نه‌وه، یان بۆم نانووسن‌‌و ئیدی پێم وایه قیامه‌ت بوونه...
ئهم ساتانه یانی خۆم، ئیدی چۆن ده‌کرێ که‌سێک له دووری دووره‌وه بۆم بنووسێ(... واز له‌م شتانه بێنم ده‌نا ئهم ماڵه وێران ده‌کرێ). ئه‌و داماه‌وه پێی وایه ئاوه‌دانم؟
ناسکتر له ناسکه، ته‌نکتر له ناسک حه‌زی ماچی لێوه‌کانی موژده‌یه‌ک داگیری کردووم...
جارێک ژنێک شتێکی سه‌یری بۆ گێڕامه‌وه، هه‌موو توکی له‌شم وه‌کوو سیغ ڕاست بوه‌وه، ئه‌و وتی: " ... دوو گیان بووم، کاتێ زارۆکه‌که‌م له نێو زگم‌دا ده‌جووڵا، حه‌زم نه‌ده‌کرد هه‌ستم بکه‌م ده‌بمه دایک، ئاخر من له گهوره بوون ده‌ترسام، یه‌که‌م جار که دڵۆپێک خوێن له له‌شم به‌ربوه‌وه هه‌موو رۆژگارم ڕه‌ش بوو، کهس نه‌بوو پێم بڵێ ئه‌مه مانای خۆ ناسینه، وای، وای، وای من چه‌نده له مه‌زن بوون ده‌ترسم، هه‌ر بۆیه کاتێ زگم پڕه وا بیر ده‌که‌مه‌وه که ئه‌وه‌ی ده‌جووڵێته‌وه له نێو زگم‌دا به‌رهه‌می گهوره بوون‌و به دایک بوونم نیه، به‌ڵکوو هه‌مان بووکه شووشه‌ی ده‌ورانی منداڵیمه که منداڵم ده‌کاته‌وه، ئه‌و کاتانه‌ی من نه باوه‌ڕم به مردن بوو نه به دوای هۆکاری زیندوو بوون‌دا ده‌گه‌ڕام.، وای که مه‌زن بوون ناخۆشه، زۆر خۆشی لێ حه‌رام کردین...".
کاتێ که‌سێکت خۆش ده‌وێ، له پڕ نامێنێ، وه‌کوو لێخوڕینی ماشێن وایه له رێگایه‌کی شاخاوی دژوردا به بێ رووناکایی‌و گلۆپ، کاتێ ده‌گه‌یته جێگا، ئیدی نازانی خۆت به قه‌رزداری چی بزانیت. ئیدی مرۆڤ ده‌بێته به‌رد، بێ ده‌نگی خۆی ناشکێنێ. له خۆیدا ون ده‌بێ، به‌رده‌وام تاکوو مردن به دوای خۆیدا ده‌گه‌ڕێ. به دوای بۆنێک له ناخی‌دا.
کاتێ که‌سێک بۆته کانیه‌ک که یادوه‌ریه‌کان له‌گه‌ڵی به‌رده‌وام شۆقی تێدا ده‌داته‌وه به بێ ئه‌وه‌ی ماندووت بکات، هه‌زاران جار ویشکی بکه‌ی هه‌ر ده‌بووژێیته‌وه‌و قوڵت ده‌دا...
چی له‌وه به‌ژانتره هه‌ست بکه‌یت کچێکت ده‌بێ، دایکی ئه‌و دوو گیانه، مژدی ده‌کا ، بیزوو ده‌کات، تۆش هه‌نارو هه‌نجیری بۆ دینێ، خاولی ته‌ڕ له‌سه‌ر ته‌وێڵی داده‌نیت‌و به ماچ‌و نه‌رمه شێلان ئارامی ده‌که‌یته‌وه، منداڵکه له کۆڵانه‌کانی زه‌ینت‌دا دێت‌و ده‌چێت... ئهم برینه به چ سارێژ ده‌بێته‌وه له پڕ بی ئیراده‌یی‌و باوه‌ڕ به‌خۆ نه‌بوون هه‌موو شت تونا ده‌کات...
ئه‌وه‌ی ڕاستی بێ هه‌ر به‌م په‌یڤانه ته‌پ‌وتۆزی دووری داده‌ماڵم، جانتای من له‌سه‌فه‌ری دوورودڕێژ ماندوه، هه‌ست ده‌که‌م له دارستانی ئه‌وینی مندا دارێک ناڕوێته‌وه، ئیدی شه‌تڵ‌‌و تۆوی دیکه به‌رهه‌م نایه‌ن، پێم وایه هه‌ر بیره ئاوێک لێ بده‌م بێ که‌ڵکه‌و ته‌ڕایی تێدا نابێ.
چه‌ند دژواره بۆم جووت بوون، پێم وایه تێکه‌ڵبوون له‌گه‌ڵ که‌سێکی دیکه یانی مۆر کردنی په‌یماننامه‌ی زه‌لاله‌ت، یانی ڕووخان...
هه‌ست ده‌که‌م ورده ورده ئیدی خه‌ریکه سه‌ره داوی ڕه‌وتی ڕووداه‌کانی ژیانم له ده‌ستدا نامێنێ، له ده‌ورووبه‌ری خۆم ده‌ڕوانم، که‌مێک ڕاده‌مێنم، دوایه به خۆم ده‌ڵێم، یان له خۆم ده‌پرسم، به‌ڕاستی بۆ ماوه‌یه‌که وه‌دوای ڕووداوه‌کان ده‌که‌وم...
چی ڕووی داوه که ئاوام به‌سه‌ر هاتوه، ره‌هه‌که هه‌میشه به گژ شته باوه‌کان‌دا ده‌هاته‌وه‌و ڕووی له زه‌مین‌و زه‌مان وه‌رده‌گێڕا.
ئهم ساتانه یانی خۆم، ئیدی چۆن ده‌کرێ که‌سێک له دووری دووره‌وه بۆم بنووسێ(... واز له‌م شتانه بێنم ده‌نا ئهم ماڵه وێران ده‌کرێ). ئه‌و داماه‌وه پێی وایه ئاوه‌دانم؟
ناسکتر له ناسکه، ته‌نکتر له ناسک حه‌زی ماچی لێوه‌کانی موژده‌یه‌ک داگیری کردووم...
جارێک ژنێک شتێکی سه‌یری بۆ گێڕامه‌وه، هه‌موو توکی له‌شم وه‌کوو سیغ ڕاست بوه‌وه، ئه‌و وتی: " ... دوو گیان بووم، کاتێ زارۆکه‌که‌م له نێو زگم‌دا ده‌جووڵا، حه‌زم نه‌ده‌کرد هه‌ستم بکه‌م ده‌بمه دایک، ئاخر من له گهوره بوون ده‌ترسام، یه‌که‌م جار که دڵۆپێک خوێن له له‌شم به‌ربوه‌وه هه‌موو رۆژگارم ڕه‌ش بوو، کهس نه‌بوو پێم بڵێ ئه‌مه مانای خۆ ناسینه، وای، وای، وای من چه‌نده له مه‌زن بوون ده‌ترسم، هه‌ر بۆیه کاتێ زگم پڕه وا بیر ده‌که‌مه‌وه که ئه‌وه‌ی ده‌جووڵێته‌وه له نێو زگم‌دا به‌رهه‌می گهوره بوون‌و به دایک بوونم نیه، به‌ڵکوو هه‌مان بووکه شووشه‌ی ده‌ورانی منداڵیمه که منداڵم ده‌کاته‌وه، ئه‌و کاتانه‌ی من نه باوه‌ڕم به مردن بوو نه به دوای هۆکاری زیندوو بوون‌دا ده‌گه‌ڕام.، وای که مه‌زن بوون ناخۆشه، زۆر خۆشی لێ حه‌رام کردین...".
کاتێ که‌سێکت خۆش ده‌وێ، له پڕ نامێنێ، وه‌کوو لێخوڕینی ماشێن وایه له رێگایه‌کی شاخاوی دژوردا به بێ رووناکایی‌و گلۆپ، کاتێ ده‌گه‌یته جێگا، ئیدی نازانی خۆت به قه‌رزداری چی بزانیت. ئیدی مرۆڤ ده‌بێته به‌رد، بێ ده‌نگی خۆی ناشکێنێ. له خۆیدا ون ده‌بێ، به‌رده‌وام تاکوو مردن به دوای خۆیدا ده‌گه‌ڕێ. به دوای بۆنێک له ناخی‌دا.
کاتێ که‌سێک بۆته کانیه‌ک که یادوه‌ریه‌کان له‌گه‌ڵی به‌رده‌وام شۆقی تێدا ده‌داته‌وه به بێ ئه‌وه‌ی ماندووت بکات، هه‌زاران جار ویشکی بکه‌ی هه‌ر ده‌بووژێیته‌وه‌و قوڵت ده‌دا...
چی له‌وه به‌ژانتره هه‌ست بکه‌یت کچێکت ده‌بێ، دایکی ئه‌و دوو گیانه، مژدی ده‌کا ، بیزوو ده‌کات، تۆش هه‌نارو هه‌نجیری بۆ دینێ، خاولی ته‌ڕ له‌سه‌ر ته‌وێڵی داده‌نیت‌و به ماچ‌و نه‌رمه شێلان ئارامی ده‌که‌یته‌وه، منداڵکه له کۆڵانه‌کانی زه‌ینت‌دا دێت‌و ده‌چێت... ئهم برینه به چ سارێژ ده‌بێته‌وه له پڕ بی ئیراده‌یی‌و باوه‌ڕ به‌خۆ نه‌بوون هه‌موو شت تونا ده‌کات...
ئه‌وه‌ی ڕاستی بێ هه‌ر به‌م په‌یڤانه ته‌پ‌وتۆزی دووری داده‌ماڵم، جانتای من له‌سه‌فه‌ری دوورودڕێژ ماندوه، هه‌ست ده‌که‌م له دارستانی ئه‌وینی مندا دارێک ناڕوێته‌وه، ئیدی شه‌تڵ‌‌و تۆوی دیکه به‌رهه‌م نایه‌ن، پێم وایه هه‌ر بیره ئاوێک لێ بده‌م بێ که‌ڵکه‌و ته‌ڕایی تێدا نابێ.
چه‌ند دژواره بۆم جووت بوون، پێم وایه تێکه‌ڵبوون له‌گه‌ڵ که‌سێکی دیکه یانی مۆر کردنی په‌یماننامه‌ی زه‌لاله‌ت، یانی ڕووخان...
هه‌ست ده‌که‌م ورده ورده ئیدی خه‌ریکه سه‌ره داوی ڕه‌وتی ڕووداه‌کانی ژیانم له ده‌ستدا نامێنێ، له ده‌ورووبه‌ری خۆم ده‌ڕوانم، که‌مێک ڕاده‌مێنم، دوایه به خۆم ده‌ڵێم، یان له خۆم ده‌پرسم، به‌ڕاستی بۆ ماوه‌یه‌که وه‌دوای ڕووداوه‌کان ده‌که‌وم...
چی ڕووی داوه که ئاوام به‌سه‌ر هاتوه، ره‌هه‌که هه‌میشه به گژ شته باوه‌کان‌دا ده‌هاته‌وه‌و ڕووی له زه‌مین‌و زه‌مان وه‌رده‌گێڕا.
ژیان به هه‌موو دژوارییه‌کانه‌وه به‌رده‌وامه.
زیندووم، سه‌وز، هیوادارو به‌هێز.!
