Archive

Tuesday, February 26, 2019

کورد کێیە:



ئەو نەتەوەیە، تاکە داهێنەرەکانی لای خۆی ڕیسوایە و لە دەرەوەی کۆمەڵگا و خاکەکەی، دەبێتە داهێنەر و زانا! هەر ئەوەش هۆکاری ئەوەیە (۱٦ی ئۆکتۆبەر) ڕوودەدات و لەساڵی (۲۰۱۹)دا عەوداڵی دەوڵەت و قەوارەی سیاسییە؟ ئەم زانا و داهێنەر و کەسایەتیانە وەک نموونە:
٭٭(کۆچەر بیرکار)ی کوردی شارستانی مەریوانی خۆرهەڵاتی کوردستان، خەڵاتی (فیلدز)ی ساڵی (۲۰۱۸) بۆ زانستی بیرکاری لەشاری (ریۆدی جانیرۆ)ی وڵاتی (بەرازیڵ) وەردەگرێ.
٭٭(نادیە موراد)ی ئێزدی خەڵکی شارستانی شەنگالی باشووری کوردستان، خەڵاتی نۆبڵ بۆ ئاشتی ساڵی (۲۰۱۸) وەردەگرێ.
٭٭(دکتۆر ئازاد نەجار) کوردی خەڵکی شارستانی زاخۆی باشووری کوردستان، یەکەم دڵی دەستکرد دروست دەکات لە وڵاتی (سوید)و دەبێتە داهێنانێکی پزیشکی گەورە بۆ جیهان.
٭٭(ڕەحیمی ڕەشیدی) خەڵکی شارستانی سەقزی خۆرهەڵاتی کوردستان وەک کەسایەتی ساڵی (۲۰۱۹) لە ویلایەتە یەکگرتووەکانی ساڵ دەست نیشان دەکرێ.
٭٭(بەهرۆزی بوچانی) خەڵکی شاری ئیلامی خۆرهەڵاتی کوردستان، لە ئاوارەیی و دەستبەسەریدا لە دوورگەیەکی وڵاتی ئوسترالیا، بەنووسینی ڕۆمانێک، خەڵاتی گەورەی ئەدەبیاتی وڵاتی ئۆسترالیا وەردەگرێ.
٭٭من وێڕایی دەستخۆشی و پیرۆزبایم لەو کوردە داهێنەرانە، هیوادارم ڕۆژێک کورد بگاتە ئەو ئاستەی ڕێز لە زانا و داهێنەرەکانی خۆی بگرێ، نەک پەراوێزیان بخات.
د. كه‌یوان ئازاد

Friday, February 22, 2019




هەموو کات بێدەنگی ئاماژەی رازی بوون نیە، بەڵکوو هێندێک جار ئاماژەی بێ هیوا بوونە لە ئاستی تێگەیشتنی بەرانبەرەکەت.
میشل فۆکۆ

ترەمپ: ژمارەیەکی کەم سەربازی ئەمریکی لە سووریا دەمێنەوە.



ترەمپ: ژمارەیەکی کەم سەربازی ئەمریکی لە سووریا دەمێنەوە.
#دۆناڵد_ترەمپ بە رۆژنامەڤانانی راگەیاند، سەرکەوتنی گەورە لە شەڕی دژی داعش دا بە دەست هاتووە، بەڵام ژمارەیەکی کەم سەرباز لە سووریا دەهێڵینەوەو خەڵکێکی زۆریش ئەمەیان پێ کارێکی باش و گونجاوە.
بە گوێرەی زانیارییەکان واشنگتن ٤٠٠ سەرباز بۆ کاتێکی نادیار لە سووریا دەهێڵێتەوە، ئەوەش دوای ئەوەی بڕیاری کشانەوەی هێزەکانی لە سووریا داوە کە نزیک بە ٢٠٠٠ کەسن. نزیکەی ٢٠٠ سەرباز لە رۆژئاوای کوردستان، هەروها باکوورو رۆژهەڵاتی سووریا دەمێنەوە.
کۆشکی سپی ئەو هێزە ٤٠٠ کەسییە وەک "هێزی ئاشتیپارێز" ناو دەبات کە ٢٠٠ کەسیان لە باشووری سووریاو لە نزیک سنووری ئوردن دەمێننەوە.
ئەم پلانە نوێیەی ئەمریکا لە کاتێکدایە، کە بەرێوەبەرایەتی سەرۆک ترەمپ دەیەوێت وڵاتانی ئەوروپا لە سووریا پابەندی بەڵێن و ئەرکەکانیان بن..
لە ريکەوتی ١٩ی سيپتەمبەری ٢٠١٨دا، سەرۆک رایگەیاند کە هێزەکانیان لە سووریا دەکشێنەوەو ئەمەش نارەزایاتی زۆری نێوخۆیی و نێوچەیی لێکەوتەوە کە لە ئاکام دا وەزیری بەرگری جەیمز ماتیس و برێگ مەککگۆرک نوينەری تیابەتی سەرۆک بۆ هاوپەیمانی جیهانی دژی دا‌عش دەستیان لە کار کێشایەوە. هەنووکە ئانکاراو واشنگتن بە پێکەوە کار بۆ راگەیاندنی نێوچەیەکی ئارام لە سووریا دەکەن و بەم هەنگاوەش مەترسییەکانی هێرشی تورکیا بۆسەر رۆژئاوای کوردستان کەمتر دەبێتەوە.

#مستەر_کورد