Archive

Friday, February 11, 2022

Erbil Polytechnic University Arranged A Debate For Rahim Rashidi Known As ‘Mr. Kurd’



On Thursday 7th of December 2021, Erbil Polytechnic University prepared a debate entitled “U.S.A Politics and its Perspective on the Kurdistan Region Government (KRG)” to the Kurdistan 24 Channel Office Director, Mr. Rahim Rashidi, known as ‘Mr. Kurd’ at the Erbil Polytechnic University Presidency Celebration Hall. In this event, the Rector of the EPU Asst. Prof. Dr. Kawa Abdulkareem Sherwani, the author Dr. Khasraw Jaf, and several EPU Council members, directors, lecturers, and students were present.



At the beginning of the debate, the Debate Manager Dr. Bahat Qaradakhi welcomed Mr. Kurd; then, they started performing the discussion. Mr. Rashidi talked about U.S.A politics, their perspective, and their influence on the KRG. The attendees began expressing and directing their comments, discussions, and questions that were responded to by the panelists.


At the end of this event, his Excellency the EPU Rector offered the EPU placket to Mr. Kurd and expressed his gratitude and appreciation for conducting the debate. Later, Mr. Rahim Rashidi told his privileged feeling for arranging this activity and thanked the university Rector for his gift. He said, “I am delighted that I received this precious present at a scientific place from a scientific person; thanks again.”



#mrkurd

سەرۆکایەتی زانکۆی پۆلیتەکنیکی هەولێر دیبەیتێک بۆ رەحیم رەشیدی (مستەر کورد) رێکدەخات


رۆژی سێ شەممە رێکەوتی 7ـی دیسەمبەری 2021 لە هۆڵی بۆنەکانی سەرۆکایەتی زانکۆ بە ئامادەبوونی وەزیری گواستنەوە و گەیاندنی حکومەتی هەرێمی کوردستان بەرێز ئانۆ جەوهەر، سەرۆکی زانکۆی پۆلیتەکنیکی هەولێر پ.ی.د. کاوە عبدالکریم شێروانی، نووسەر و ئەدیب د. خەسرەو جاف و ژمارەیەک لە ئەندامانی ئەنجومەنی زانکۆ و بەرێوبەرانی سەرۆکایەتی زانکۆ مامۆستایان و قوتابیان، دیبەیتێک لە ژێر ناونیشانی (سیاسەتی ئەمریکا و تێڕوانینی بۆ هەرێمی کوردستان) بۆ بەرێز رەحیم رەشیدی ناسراو بە (مستەر کورد) بەڕێوبەری نووسینگەی کوردستان 24 و کوردستان تیڤی لە واشنگتن بەرێوەچوو.


سەرەتای دیبەیتەکە بەڕێوەبەری دیبەیت د. بەهات قەرەداغی بەخێرهاتنی مستەر کوردی کرد دواتر دەستکرا بە پێشکەشکردنی دیبەیتەکە و تیایدا بەرێز رەشیدی بە وردی باسی لە سیاسەتەکانی ئەمریکا و تێڕوانین و کاریگەرییان لەسەر هەرێمی کوردستان کرد، پاشان دەرگای گفتوگۆ بۆ ئامادەبووان واڵا کراو پرسیارەکانیان ئاراستە کردو لە لایەن پانێڵیستەوە وەڵام درانەوە.


لە کۆتاییدا سەرۆکی زانکۆی پۆلیتەکنیکی هەولێر پلاکێتی تایبەتی زانکۆی پێشکێشی بەرێزیان کردو سوپاسی کردن بۆ ئەنجامدانی دیبەیتەکە، دواتر بەرێز رەحیم رەشیدی زۆر خۆشحاڵی خۆی دەربڕی بە ئەنجامدانی چالاکییەکەو سوپاسی سەرۆکی زانکۆی کرد بۆ دیارییەکە و وتی خۆشخاڵم کە لە پایتەختی کوردستان ئەم خەڵاتەم لە شوێنێکی زانستی و لە لایەن کەسێکی زانستییەوە پێشکەش کرا، دووبارە سوپاس.






Tuesday, February 8, 2022

کۆچی دوایی هونەرمەندێکی کورد لە ئەمریکا



رەحیم رەشیدی\ کوردستان ٢٤، واشنگتن
هونەرمەندی ناسراوی کوردستان، زودهی سەردار، لە شاری لۆس ئەنجلێس لە ولایەتی کالیفۆرنیا، بە نەخۆشی کۆچی دوایی کرد. زوهدی لە بواری شێوەکاری و پیکەرتاشی دا کەسێکی ناسراوو دیار بوو.
ئەم هونەرمەند کوردە، بە تواناو لێهاتوویی خۆی توانی بگاتە هالیوود، بۆ ماوەی دەیان ساڵ لەگەڵ کاناڵی هەواڵدەری NBC دا لە نزیکەوە کاری کرد.
سەرداری هونەرمەند رازێنەرەوەی سەکۆی یەکێک لە بەرنامەکانە بەناوبانگەکان بە ناوی "ستێج دیزاینەر" Stage Designer "بەرنامەی ئەمشەو" Tonight Showی جانی کارسن بوو، جەی لینۆ "شەو مانی" Showman بە ناوبانگی ئەمریکا کە ساڵانی پاشتر هەمان بەرنامەی بە ناوی Tonight Showی بەرێوە دەبرد، هەنووکە خاوەنی زیاتر لە ٥٠ تابلۆی ئەم هونەرمەندە کوردەییە.
زوهدی جیا لە شێوەکاری پەیکەرسازی، خاوەنی چەند پەڕتووک و هۆنراوە بە زمانی ئینگلیزییە. کۆی بەرهەمەکانی سەرداری هونەرمەند بە گشتیی ناوەرۆکی مرۆڤایەتی هەبوو، لەم بەستێنەدا لە رێگای کارەکانیەوە هەوڵی دەدا خەبات بۆ ئازادی و ئێش و ئازارەکانی کوردستان لە رێگای پەڕتووک و کردنەوەی دەیان پیشانگا بە ئەمریکایی و بیانییەکان بناسێنێ.
مانگی ٤ی ساڵی ٢٠١٧، زوهدی سەردار بە گەرمی لەماڵەکەی خۆی لە ولایەتی کالیفۆرنیا، پێشوازی گەرمی لە تیمی کوردستان ٢٤ کرد. لە وتووێژێکی تایبەتییدا، شێلگیرانە داکۆکی لە رێفراندۆمی سەربەخۆیی کوردستان کردو داوای لە هاوڵاتیانی کوردستان کرد بە هەموو شێوەیەک بۆ سەرخستنی رێفراندۆم تێبکۆشن و هیوای خواست کە بتوانێ سەفەری وڵاتەکەی کوردستان بکات...
زودهی ١٥ی سێپتەمبەری ١٩٣٩، لە شاری سلێمانی لە دایک بوە. دواتر لە بەغدا زانکۆی هونەرە جوانەکانی تەواو کردوە. پاشان ماوەیەک وەکوو مامۆستای هونەر کاری کردوە.
ئەم هونەرمەندە کوردە، ساڵی ١٩٦٤ هاتۆتە ئەمریکا، پاش ٢ ساڵ مانەوە لە ئەمریکا، بۆ درێژەی خوێندن چۆتە فەرانسەو لە ئاکادیمیای هونەری پاریس، بڕوانامەی بەرزی لە بوارەکەی خۆیدا بەدەست هێناوە.
زودهی هونەرمەند، ساڵی ١٩٦٨ دەگەڕەتەوە ئەمریکاو لە بواری سینەماو کاری تی ڤیداو لە بەشی هونەریدا دەست بە کارو چالاکی دەکات.
سەردار دوو جار ژیانی هاوبەشی پێکهێناوەو بەرهەمی ئەو ژیانەش دوو منداڵە بە ناوەکانی کامەران و گیان کە هەنووکە لە شاری لوس ئانجلێس لە ولایەتی کالیفۆرنیا دەژین.
رەوەندی کوردستانی لە ئەمریکا بە گشتیی و کوردستانیانی ولایەتی کالیفۆرنیا بەتایبەتی،، بە تێکڕا بۆ لە دەستدانی ئەم مرۆڤە هونەرمەندو خەمخۆرەی کوردستان بەداخن و کۆچی دوایی ناوبراو بە خەسارێکی گەورە دەزانن.

‎داوای هەڵوەشانەوەی بڕیاری گیرانی مامۆستا زارا كرا ‎

ڕۆژهەڵاتی زامدار بە كاتی ئەی ڕەقیب

#مستەر_كورد

Wednesday, February 2, 2022


لەگەڵ ئەو مامۆستاوو تێكۆشەرانەی كە مێژوو شاهێدی شكۆو سەربەرزیانە، لە خەباتی خۆنەچەمێنی كوردایەتی; لە پێناووی سەربەرزی وسەرفیرازیدا. پێكەوە تاكوو سەركەوتن لە پێناوو ئازادی بۆ كوردستان بەردەوام دەبین...
خۆشەویستان: بەڕێز حەسەن شەرەفی، هێژا حەمە نەزیف قادەری و كاك تەیمور موستەفایی

Tuesday, February 1, 2022

دووی ڕێبەندان یادی كۆماری كوردستان

#مستەر_كورد

ساڵڕۆژی دامەزرانی کۆماری کوردستان لە "ئامریکا" بەڕێوە چو




ڕۆژی شەممە ڕێکەوتی ٩ی ڕێبەندانی ١٤٠٠ی هەتاوی، کۆمیتەی حیزبی دێموکراتی کوردستانی ئێران لە ئامریکا، بەبۆنەی دووی  ڕێبەندان، ٧٦ـەمین ساڵڕۆژی دامەزراندنی کۆماری کوردستان، ڕێوڕەسمێکی بەشکۆی لە شاری "شانتێل" لە ویلایەتی "ڤێرجینیا"ی ئامریکا بە بەشداریی پتر لە ١٥٠ کەس بەڕێوە برد.

بەهۆی مەترسییەکانی ڤایرۆسی کۆرۆنا، بە شێوەیەکی کەم خەڵک بۆ جێژنەکە بانگهێشت کرابوون.

ڕێوڕەسمەکە بە  سروودی نەتەوەیی "ئەی ڕەقیب" و ڕاگرتنی خولەکێک بێدەنگی بۆ ڕێزگرتن لە گیانی پاکی شەهیدانی کورد و کوردستان دەستی پێ کرد.

 پاشان "خالید خورینجی" بەرپرسی ڕاگەیاندنی کۆمیتەی حیزب لە ئامریکا ڕیزبەندی بەرنامەکەی خوێندەوە.

دواتر وتاری کۆمیتەی گشتیی حیزبی دێموکرات لە ئامریکا، لەلایەن "ڕەحیم ڕەشیدی"، بەرپرسی کۆمیتە پێشکەش کرا.

بەرپرسی کۆمیتەی حیزب لە ئامریکا،  لەمەڕ گرینگیی دامەزرانی کۆماری کوردستان و کەسایەتی بەرزی "پێشەوا"ی نەمر و کاریگەری و دەوری مێژوویی کۆماری کوردستان بۆ ئامادەبووان قسەی کرد.

"ڕەشیدی" لە ناورۆکی قسەکانیدا ئاماژەی بەوە کرد کە پێویستە لەپێناو خوڵقاندن و قۆستنەوەی دەرفەتەکاندا، حیزبی پێشەوا و دامەزرێنەری کۆماری کوردستان، پتەوتر و یەکڕیز بێ.

لەو پەیوەندییەدا داوا لە ئامادەبووان کرا کە هاندەر و پاڵپشتی تێکۆشەرانی دێموکرات بکەن.

لە بەشێکی دیکەی ڕێوڕەسمەکەدا پەیامی ناوەندی سیاسیی حیزبی دێموکرات لەلایەن "نائیب مەشایەخی" پێشکەش کرا.

دواتر پەیامی ناوەندی هاوکاریی حیزبەکانی کوردستانی ئێران لەلایەن "ڕێبوار سەلیمی" خوێندرایەوە.

پاشان پەیامی نوێنەرایەتیی حکوومەتی هەرێمی کوردستان لە ئامریکا لەلایەن "بارزان ئەردەڵان" خوێندرایەوە.

لەو ڕێوڕەسمەدا "محەممەد داستان" تێکۆشەری دێرینی دێموکرات، پەخشانە شێعرێکی لە وەسفی "پێشەوا" و بایەخی کۆماری کوردستان پێشکەش کرد.

 سروودی "بژی دێموکرات" و چەند گۆرانی و هەڵبەستی شۆڕشگێڕی کە لەلایەن "فایەق عەبدوڵڵاهی" پێشکەش کران زیاتر ڕێوڕەسمەکەی ڕازاندەوە.

بۆ ئەم ڕێوڕەسمە چەندین پەیامی پیرۆزبایی نێردرابوون کە بریتین لە:

ـ پارتی دێموکراتی کوردستان

ـ یەکیەتیی نیشتمانیی کوردستان

ـ کۆمەڵەی شۆڕشگێڕی زەحمەتکێشانی کوردستانی ئێران

- کۆمەڵەی زەحمەتکێشانی کوردستان

- ئەنستیتۆی کورد لە ئامریکا

- کۆنگرەی نەتەوەیی کورد لە باکووری ئامریکا

- حیزبی تەزامۆنی دێموکراتیکی ئەحواز

- کۆنگرەی نەتەوەکانی ئێرانی فێدڕاڵ

- پەیامی پارێزەر "سەمیرا قادری"

لەو ڕێوڕەسمەدا داوا کرا ڕۆژی پێنجشەممە، بۆ پشتیوانی لە "زارا محەممەدی"، مامۆستای زمانی کوردی کە بە تۆمەتی وتنەوەی زمانی کوردی بە منداڵانی نیشتمان لە بەندیخانەکانی ڕێژیمی تێرۆریستیی ئێراندایە، بەشداریی ڕێپێوانێکی مەدەنی بکەن کە بڕیارە لەبەردەم وەزارەتی دەرەوەی ئامریکا بەڕێوە بچێت.

ڕێوڕەسمەکە بە شایی و هەڵپەڕکێی بەشداربووان کۆتایی پێهات.

‎واشنگتن: ساڵیادی دووی ڕێبەندان ‎#مستەر_كورد

#مستەر_كورد

دەقی وتاری رەحیم رەشیدی لە یادی كۆماری كوردستان دا #مستەر_كورد

#مستەر_كورد

بایەخی یەكڕیزی دێمۆكڕات

#مستەر_كورد

مەترسی گەڕانەوەی داعش

مەترسی گەڕانەوەی داعش