#مسته‌ر_كورد
Friday, October 30, 2020
Thursday, October 29, 2020
Wednesday, October 28, 2020
Tuesday, October 27, 2020
Monday, October 26, 2020
Sunday, October 25, 2020
Friday, October 23, 2020
نووسەرێکی کورد لە ئەمەریکا کتێبێکی منداڵان بە ئینگلیزی بڵاودەکاتەوە
نووسەرێکی کورد لە ئەمەریکا کتێبێکی منداڵان بەناونیشانی "ئامانج و ئاوات" بڵاودەکاتەوە، لە کتێبەکەدا هەوڵیداوە منداڵانی ئەمەریکی بە نەتەوە و کولتوور و زمانی کوردی ئاشنا بکات.
په‌رتووكی "ئامانج و ئاوات - Goal and Hope" له نووسینی مه‌نووچێر پۆردڵ، لەدایکبووی مەهابادی رۆژهەڵاتی کوردستانە، كه ده‌كه‌وێته بازنه‌ی ئه‌ده‌بی منداڵان به زمانی ئینگلیزی له ئه‌مریكا چاپ و بڵاوبووه‌وه.
ناوەڕۆکی په‌ڕتووكه‌كه چیرۆکی کۆمەڵێک ئاژەڵ دەگێڕێتەوە، "کە ده‌كرێ رۆژانه ئه‌و ده‌ورگێرانه‌‌ی ئاژه‌ڵه‌كانی نێو چیرۆكه‌كه، له ژیانی ئاسایی مرۆڤ به‌دی بكرێت. یه‌كڕیزی ئاژەڵه‌كانی نێو چیرۆكه‌كه بۆ دژایەتی له‌گه‌ڵ مرۆڤه خراپه‌كان وه‌كو هێمایه‌ك خۆده‌رده‌خات".
مه‌نووچێهر پۆردڵ، لەدایکبووی شاری مه‌ھاباد له رۆژهه‌ڵاتی كوردستانه. ناوبراو له بواری نووسین و وەرگێڕاندا چالاكه و تاوەكو ئێستا چه‌ند به‌رهه‌می له‌نێوخۆ و ده‌ره‌وه‌ی وڵات چاپ و بڵاوكردووەته‌وه.
نووسه‌ر به كوردستان 24ـی راگه‌یاند، ئەو ئەندامی ئەنجوومەنی نووسەرانی ئێران و ئەندامی گرووپی پسپۆری رێكخراوی به‌ڵگه‌نامه‌ی نه‌ته‌وه‌یی ئێران، "سازمان اسناد ملی ایران" بووه.
نووسه‌ر له بواری خوێندنی ئاكادیمیدا بڕوانامه‌ی ئه‌ندازیاریی ئەلیکترۆنیی هه‌یه. پووردڵ باسی له‌وه‌ش كرد، له ئێران به هۆی كاره‌كانییه‌وه به‌ند كراوه، پاشان لە ساڵی 2016 وه‌كو په‌نابه‌ری سیاسی هاتووەته ئه‌مریكا.
پۆردڵ ده‌رباره‌ی به‌رهه‌مه‌كه‌ی به كوردستان 24ـی گوت "ئه‌م به‌رهه‌مه لە ئێران، له ژێر گوشاری ئەمن و ئاسایش و سانسۆردا بە زمانێکی هێماخوازانە و سیمبۆلیک بۆ خزمەت بە زمان و ئەده‌بی كوردی به تایبه‌تی ئه‌ده‌بی منداڵان نووسراوه، بەڵام مەبەست لە چاپی ئەم بەرھەمە بە زمانی ئینگلیزی ناساندنی ئەدەبیات و كولتووری نەتەوەی کورد به بیانییه‌كانه! بۆ نموونە کاتێک منداڵێكی بیانی ئەم کتێبە ده‌خوێنێته‌وه، جگە لە چێژوەرگرتن لە ده‌قه‌كه، هه‌وڵدراو‌ه بزانێ کە نەتەوەیەک بە ناوی کورد ھەیە، تایبه‌تمه‌ندی خۆی هه‌یه وه‌كو: زمان، خاك، كولتوور، مێژوو، جلوبه‌رگ و...".
نووسه‌ری په‌رتووكی ئامانج و هیوا ده‌رباره‌ی پرۆژه‌ی و كاری داهاتووی گوتی: ئێستا هه‌ندێ كارم به‌ده‌سته‌وه‌یه، به‌ڵام هه‌ره گرنگیان به‌رهه‌مێكه به ناوی "دادپه‌روه‌ریی تیمساح"، کە چیرۆكێكی درێژە و بەنیازم سەرەتا بە زمانی کوردی چاپی بکەم و، دواتر بە ئینگلیزی لە ئەمەریکاش چاپ و بڵاوی ده‌كه‌مه‌وه".
Tuesday, October 20, 2020
گۆڕانكاری به‌ڕێوه‌یه!
له دیدارێكی دۆستانه‌دا له‌گه‌ڵ به‌رێز ماسیۆ تۆله‌ر، باڵوێزی ئه‌مریكا له عێراق، باسمان له‌سه‌ر پێوه‌ندییه‌كانی نێوان كوردستان و ئه‌مریكا كرد، هه‌روه‌ها تیشتكمان خسته‌سه‌ر كرده‌وه‌و ده‌ستێوه‌ردانه‌كانی ئێران له ناوچه‌كه‌و رۆڵی میلیشیا چه‌كداره‌كان كه تاران به هه‌موو جۆرێك له پێناو ناسه‌قامگیر كردنی هه‌رێمه‌كه‌دا پشتیوانیان ده‌كات...
باڵوێز ده‌رباره‌ی گه‌شه‌ی پێوه‌ندی نێوان هه‌ولێر-واشنگتن پێی وتم كه سیاسه‌ته‌كانی ئه‌مریكا ده‌رباره‌ی كوردستان هه‌مان ئه‌و لێدوان و قسانه‌ن كه سه‌رۆك تره‌مپ به روونی باسی كردوه كه ئه‌ویش گه‌شه‌و په‌ره سه‌ندنی پێوه‌ندی نێوان كوردستان و ئه‌مریكایه...
#مسته‌ر_كورد
Monday, October 19, 2020
تروسكایی
هێشتا چاوەڕێم، تۆ فێری چنینی شاڵگەردنێک بیت بۆ ئەوەی لە پاییزی بدرووم. دێمه‌وه تاکوو پێکەوە لە پیرترین شوێنی دونیادا، ئێستا، دوێنێ‌و سبەی لێکگرێ بدەین. له‌وانیه ئێمه هه‌رگیز فریای ئه‌وه نه‌كه‌وین پێكه‌وه هه‌نارێك دان بكه‌ین و گوێ به ئاهه‌نگی گۆرانیه‌كی كۆن بسپێرین. به‌ڵام حه‌زی دیدار هه‌وێنی مانه‌وه‌و هه‌ناسه‌دانێكی پڕ مانایه!
نا، ژیان له ده‌وزه‌خ‌دا هیچ ڕه‌وایه‌کی نییه، به تایبه‌تیی مرۆڤ خۆی خۆشکه‌ری ئاگر‌ی ده‌وزه‌خی ژیانی خۆی بێت. ده‌وزه‌خه تۆ حه‌زی فڕین له سه‌رتا بێ؛ قه‌ت ده‌رینه‌بڕی، ده‌وزه‌خه نیگاێک له چاوه‌کانت گیر نه‌کا که جیاوا له هه‌زاران نیگای‌تر بێ. ده‌وزه‌خه که‌سێک خۆی به مه‌مکه‌کانته‌وه بگرێته‌وه كه‌چی له بۆنی هه‌نار، تامی سێوو ڕه‌نگی گوڵه‌باغ تێنه‌گات.
ده‌زانم ته‌نیا دیدارێك ده‌توانێ ده‌روونمان به جوانی پاقژ بكاته‌وه‌و ئۆكسیژنی به‌رده‌وام بوونمان بڕژێنێته هه‌ناوه‌و تاكوو به كۆڵانه پڕ ته‌نگوچه‌ڵه‌كامنی ژیان دا له رۆیشتن به‌رده‌وام بین.
هه‌نووكه به قوڵی و له مه‌ودایه‌كی دووردا بیرت لێده‌كه‌مه‌وه، ده‌زانم حاڵت باش نیه و پاڵت به دیواری له‌رزۆك و نامێهره‌بانی ژیانه‌وه داوه.
هه‌نووكه هه‌ست و هه‌ناوه‌م ته‌ژیه له بیركردنه‌وه‌ی بێ مه‌ودا، وه‌كوو ئه‌وه وایه له نێوه‌راستی ئه‌قیانووسدا مابێتمه‌وه به به‌له‌مێكی شه‌قوشڕه‌وه، لێ خولیای دیداری تۆ هێزم پێده‌بخشێ تاكوو به‌رده‌وام بم له بزاوتنی ده‌سته ماندوو سڕبوه‌كانم.
وه‌ره گۆ، با پێكه‌وه بدوێن و مێخه‌كێك له ئه‌ستۆی ئه‌م پاییزه بكه‌ین. ببه به شنه‌ی رۆحم و ئاره‌قه‌ی سه‌رته‌وێڵی ماندووم بسڕه. ئه‌ی دڵنیاتر له دڵنیا، ئه‌ی تروسكه‌ی هیوابه‌خشی گشت وه‌رزه دوورو ناخۆشه‌كان.
كه‌سه‌كه‌م، به‌هێزو هیوادار به. ببه به تروسكایی له شه‌وه‌زنگدا و رێنوێنی رێگا ئاسته‌مه‌كان به. به هیوای دیداری چاوه‌كانت!
#مسته‌ر_كورد
Subscribe to:
Posts (Atom)