Archive

Monday, February 27, 2012

رۆژنامه‌نووسێكی سه‌قزی سه‌رنجی میدیا جیهانیه‌كان راده‌كێشێت


ره‌حیم ره‌شیدی و پۆل برێمێر (حاكمی پێشووی عێراق)

ناوه‌ندی هه‌واڵنێریی سه‌قز:
روانگه‌ جیاوازه‌كانی رۆژنامه‌وان و ته‌حلیلگه‌رێكی توانای سه‌قزی، سه‌رنجی به‌شێكی به‌رچاو له گۆڤار و رادیۆ و تلویزیۆنه‌ جیهانیه‌كانی بۆ لای خۆی راكێشاوه.
چاودێرێكی سیاسی به‌ناوبانگی سه‌قزی به ناوی "ره‌حیم ره‌شیدی" كه هاوكات ئه‌ندامی فیدراسیۆنی نێونه‌ته‌وه‌یی رۆژنامه‌نووسانه، سه‌رنجی میدیا و راگه‌ێنه گشتتیه‌كانی جیهانی بۆ لای خۆی راكێشاوه و هه‌نووكه به‌شێكی به‌رچاو له تلویزیۆن و رادیۆ و رۆژنامه‌ به‌ناوبانگه‌كانی دونیا وه‌ك: رادیۆ و تلویزیۆنی بی‌بی‌سی، رادیۆ و ته‌له‌فزیۆنی ئامریكا، رادیۆ ئیسرائیل، رادیۆ فه‌ڕانسه، رادیۆ ئاڵمان و....، له به‌رنامه‌كانیاندا هه‌وڵ ئه‌ده‌ن راوبۆچوون و سه‌رنج و روانگه‌كانی ناوبراو سه‌باره‌ت به پرسه‌ په‌یوه‌ندیداره‌كانی تایبه‌ت به رۆژهه‌ڵاتی ناوه‌ڕاست به گشتیی و ئێران و كوردستان به تایبه‌تی، وه‌ربگرن و بڵاوی بكه‌نه‌وه.
شایانی باسه كه ته‌حلیله‌كانی ئه‌م رۆژنامه‌وان و چاودێره‌ به‌ناوبانگه‌ی كورد جگه له‌وه‌ی كه توانیویه‌تی له زۆربه‌ی میدیا به‌ناوبانگه‌كانی جیهان ده‌نگدانه‌وه‌ی هه‌بێت، هاوكات سه‌رنجی به‌شێك له سیاسه‌تمه‌دارانی جیهانیشی بۆ لای خۆی راكێشاوه و تا ئێستا چه‌ندین كه‌سایه‌تی و سیاسه‌تمه‌داری گه‌وره‌ی وڵاتانی رۆژئاوایی له‌گه‌ڵ ناوبراو چاوپێكه‌وتن و دیداریان كردووه و له روانگه‌ و ته‌حلیله‌كانی سوودمه‌ند بوون.

تاڵۆکەی بابەتەکە.

Wednesday, February 22, 2012

PROTEST Imminent Execution of Political Prisoners in Iran & Saudi Arabia


Saturday.
1:00pm until 3:30pm.
 2209 Wisconsin Ave NW; then Saudi Embassy
Mission Free Iran is organizing an urgent protest action in Washington DC on Saturday 25 February, to demand a halt to the imminent executions of 4 political prisoners in Iran - Zanyar and Loghman Moradi, Saeed Malekpour, and Shirko Moarefi.

Included in the action is a protest outside the Saudi Embassy to demand an immediate halt to the execution of 23-year-old blogger Hamza Kashgari from Saudi Arabia, who is to be executed for a comment made on Twitter that was deemed "blasphemous" by the Saudi authorities.

This action is in coordination with the Free Saeed Malekpour and Free Hamza campaigns, which are organizing similar actions in Canada and Europe.

It is urgent that people come out to the street to protest these imminent executions. We are asking all honorable people who stand for freedom, equality, human rights and civil liberties, to join the protest this weekend to demand a halt to these and all executions, and the immediate and unconditional release of these and all political prisoners in Iran and Saudi Arabia.

Date: Saturday, 25 February
Time: 1pm
Place: 2209 Wisconsin Avenue NW, Washington DC (in front of Islamic Republic offices)
Followed by 2:30pm demonstration in front of Saudi Arabian Embassy (601 New Hampshire Ave NW, Washington DC)

There will be a period of open microphone at both actions for peple who wish to speak.

Speakers to include the mother and father of Zanyar Moradi, political prisoner facing execution in Iran, and journalist and human rights activist Rahim Rashidi.
CONTACT:
Maria Rohaly - maria.rohaly@gmail.com; +1-240-595-2633

Demands of the action:

1) No to execution of Zanyar & Loghman Moradi, Shirko Moarefi & Saeed Malekpour in Iran, and Hamza Kashgari in Saudi Arabia.

2) Not one more execution in Iran & Saudi Arabia.
3) Immediate & unconditional release of all political prisoners.

Political background to these demands:

As the international community of inhumane diplomacy has been silent against years of atrocities committed by the closest allies of the west, backward barbaric regimes like the Saudi regime of savagery...

...while Western governments condemn the bloodbath in Assad's bloody Syria yet cover up for the butcher of Bahrain, and at the same time provide the Egyptian junta with everything those murderers need to crack down on the Revolution of Bread and Freedom...

...while they threaten millions of Iranians with war and bombs and hunger, only to bring these Islamic thugs to the negotiating table to discuss terms and rules...
...while the other pole of inhumanity, the Russian and Chinese governments, has found yet another opportunity to alter their positions in the balance of the reactionary rulers of our world by their unconditional support of mass murderers and genocidaires...
We call you, the humane front. We call you to come out and join hands in our own international front of humanity, to put a stop to all executions, and to demand unconditional freedom of all political prisoners in Iran, Saudi Arabia, Egypt, Syria, Bahrain and worldwide.
Join us and demand an end to dictatorships wherever they are, and demand a humane society.
Join us to declare once again that these murderers and hangmen do not represent our people. The Islamic regime in Iran, the savages of Jeddah and Manama, Assad's gang of rapists and sharpshooters, the Egyptian junta - these are not legitimate in the eyes of women and men struggling for freedom and a humane society.

Monday, February 13, 2012

عەلی مونەزەمی لە وتووێژ لەگەڵ ڕەحیم ڕەشیدی‌: که‌ سه‌ربه‌خۆیی سیاسیی‌و بریاردان نه‌ما، به‌شه‌کانی دیکه‌ی ئه‌ندیشه‌ی دوکتۆر قاسملوو بێ نێوه‌رۆک ده‌بێ.

کاک عەلی سەرەتا بە بۆنەی تەواو کردنی خوێندنەکەت‌و وەشانی کتێبی"دێموکراسی لە ڕوانگەی دوکتۆر قاسملوو" بە زمانی ئینگلیزی، پیرۆزبایت پێدەڵێم.

با لەوە دەست پێبکەین کە ئەو کتێبە لە چەند بەش پێکهاتوە؟
کتێبه‌که‌ له‌ حەوت به‌ش پێکهاتووه که‌ بریتین لە: پێشه‌کی، مێتۆد یان شێوه‌ی لێکۆڵینه‌وه‌، کورته‌یه‌ک له‌ مێژووی نەتەوەی کورد له‌ پاش دامه‌زرانی ده‌وڵه‌تی ناوه‌ندی به‌هێز له‌ ئێران‌و دابه‌شبوونی کوردستان لە خولی یەکەم‌دا، سیستمی سیاسیی ئه‌مرۆی ئێران، قاسملوو رێبه‌رێکی کاریزما، بیرو باوه‌ڕی دوکتۆر قاسملوو له‌ سه‌ر دێموکراسی که‌ گرینگترین به‌شی ئه‌و کتێبه‌یه‌؛ به‌ کورتی ده‌توانم بلێم باس له‌ په‌روه‌رده‌ کردنی که‌سایه‌تی دێموکرات، دێموکراسی نێوخۆیی، دێموکراسی له‌ هه‌رێمی کوردستانی خودمختار یان فیدراڵ کە مەبەست کوردستانی ئێرانە، دادپه‌روه‌ری کۆمه‌لایه‌تی، ئه‌گه‌ر ئه‌و ئامانجانه‌ جێبه‌جێ بن ده‌توانین بڵێین که‌ دێموکراسی لە بەرزرتیین پلەی خۆی‌دا جێبەجێ کراوە، دوایین بەشی پەڕتووکەکە بۆ ئاکامی باسەکانەو لێرەدا نووسه‌ر ئەو مافەی هەیە تا رادەیەک بیرو ڕوانینەکانی خۆشی باس بکات.

وێنە: بەرێز عەلی مونەزەمی

چۆن بوو کە بۆ تێزەکەت وەها بیرۆکەیەکت بە بیردا هات؟
کاتێک که‌ هێشتا خوێندکاری ده‌وره‌ی لیسانس بووم، شیرین عبادی سه‌ردانی دانشگای ترومسۆی کردو ده‌یه‌ویست باسێک له‌ سه‌ر ئاستەنگەکانی رۆژهه‌لاتی ناوین بکا، بۆ گۆرینی رێژیمی ئێرانیش باسی له‌ دێموکراتیزه‌ کردنی ئیسلام ده‌کرد. به‌ باوه‌ری من هاتنە ئارای وەها پرۆسەیەک زۆر دژوارە. ئه‌و خاتوونە کە براوەی خەڵاتی نوبێل بۆ ئاشتی بوو بیرێکی وا ساویلکانه‌ی ده‌هێنا به‌ر باس، بۆ من سه‌رسوورهێنه‌ر بوو. دوای ساڵێک بۆ خوێندنی ماستێر له‌ زانسته‌کانی ئاشتی‌و چاره‌سه‌ری گرفته‌کان له‌ زانکۆی شاری ترۆمسۆ وەرگیرام.
سەرەتا حه‌ولم‌دا که‌ په‌روه‌نده‌ی شه‌هید دوکتۆر قاسملوو له‌ کۆمیته‌ی نوبێلی ئاشتی بۆ لێکۆلینه‌وه‌ وه‌ربگرم‌و دواتر بریار بده‌م که‌ له‌ سه‌ر چ تایبه‌تمه‌ندیه‌کی دوکتۆر پایاننامه‌که‌م بنووسم. به‌ڵام به‌ داخه‌وه‌ ئه‌و کۆمیته‌یه‌ یاسایەکی هه‌یه‌ که‌ ته‌نیا دوای تێپه‌ربوونی 50 ساڵ بەسەر پاڵێوراوانی ئەو خەڵاتەدا، دەتوانن کۆمەڵێک بەڵگەنامە لەسەر پاڵێوراوەکان به‌ لێکۆڵه‌ران بدەن.
بۆیه‌ دوای بیرو ڕاگۆرینه‌وه‌ له‌گه‌ڵ مامۆستایەک به‌ ناوی "ویدار نیلس وامبهه‌یم"، هاتمه‌ سه‌ر ئه‌و باوه‌ره‌ که‌ سەبارەت بە دێموکراسی له‌ روانگه‌ی دوکتۆر قاسملووه‌ توێژینەوە بکه‌م. شتێکی دیکه‌ش که‌ هانده‌ر بوو، ئه‌وه‌ بوو که‌ بە داخەوە، هێندێک لایەن‌و که‌سایه‌تی کورد له‌ کۆی قسه‌کانی دوکتۆر لەسەر بابەتێک ته‌نیا یه‌ک رسته‌ دووپات دەکەنەوە به‌ بێ ئه‌وه‌ی گوێ بده‌نه‌ ئه‌وه‌ی که ناوبراو‌ له‌ پێش یان پاش ئه‌و قسه‌یه‌ چ ئاخڤتنێکی دیکه‌ی کردووه‌، هەر بۆیە ئەو جۆرە کەس‌و لایەنانە بەو جۆرەو بە کەڵک وەرگرتنی ناڕەوا لە خۆشەویستی دوکتۆر قاسملوو هەوڵ دەدەن تەنیا بۆ دەستەبەر کردنی بەرژەوەندییەکانی خۆیان ئەو رەستانە دووپات دەکەنەوە. ئه‌و تشته‌ ده‌توانێ ببێته‌ سه‌به‌بی چه‌واشه‌کردنی نه‌سله‌کانی دوای قاسملوو. بۆیه‌ پێم وابوو پێم وایه‌ ده‌بێ لێکۆلینه‌وه‌ی زیاتر له‌ سه‌ر ئه‌م جۆره‌ که‌سایه‌تیانه‌ بکرێ. ئەمەش به‌ قازانجی گه‌لی کورده‌و بەم چەشنە پێش له‌ چه‌واشه‌کاری ئەو جۆرە کەس‌و لایەنانە ده‌گیردرێت.

پتر چ کەسایەتی گەلێکت بۆ تەواو کردنی پرۆژەکەت بەسەر کردۆتەوە؟
له‌ به‌ر نه‌بوونی ئیمکانات‌و که‌می کات نه‌متوانی سه‌فه‌ری زۆر شوێن بکه‌م. له‌ باشووری کوردستان توانیم له‌ گه‌ل دوو ئه‌ندامی رێبه‌ری حیزب، یه‌کێک له‌ رێبه‌رانی کورد له‌ کوردستانی باكوور، دوو مامۆستای زانکۆ له‌ کوردستانی باشوور که‌ یه‌کێکیان خوالێخوشبوو دوکتۆر مارف خه‌زنه‌دار بوو ئه‌و شانازیه‌م به‌ نه‌سیب بوو که‌ له‌ دوا ساته‌کانی ژیانی‌دا له‌گه‌لی هه‌ودیتن بکه‌م، به‌ ره‌حمه‌ت بێ، رێبه‌رێکی کورد له‌ کوردستانی باشووری رۆژئاوا.

ئەدی باشتر نەبوو کە ڕای نەیارانی سیاسیی دوکتۆر قاسملووش وەرگریت؟
زۆرتر حه‌ولم داوه‌ که‌ له‌ نووسینه‌کانی شه‌هید دوکتۆر قاسملوو بۆ لێکۆلینه‌وه‌کەم که‌ڵک وه‌ربگرم. یان له‌ نووسینی ئەو که‌سایه‌تییه‌ کوردو بیانیانەی کە پێشتر له‌گه‌ڵ دوکتۆر دیتن‌و چاوپێکەوتنیان بوە.
هەڵبەت نووسین لەسەر دوکتۆر قاسملوو لە لایەن نووسه‌رانی دیکه‌وه‌ نووسراوه‌. له‌و باره‌وه‌ من به‌ ته‌واوی بێلایه‌نانه‌ نووسیومه‌و سه‌ره‌ڕای خۆشه‌ویستیم به‌رامبه‌ر به‌ دوکتۆر قاسملوو، قه‌ت لایەنی قاسملووم نه‌گرتووه‌. له‌و کتێبه‌‌دا له‌ زۆر تئوری که‌ڵک وه‌رگیراوه‌ که‌ ئەوانە تئۆریسیه‌نی بیانی بوونه‌و بۆ شرۆڤەی بیرو ئه‌ندیشه‌ی قاسملوو پێویست بووه‌ که‌ له‌و تئۆریانه‌ که‌ڵک وه‌ربگرم.

کەسایەتی دوکتۆر قاسملوو بەر لە نووسینی ئەو کتێبە، لە زەینی ئیوەدا چۆن بوو؟
من ناوی دوکتۆر قاسملووم هه‌ر له‌ منداڵیه‌وه‌ گوێ لێبوە؛ هەر وەکوو چۆن زۆربه‌ی کوردەکان خۆشیان ده‌وێ، ئەمنیش وه‌کوو رێبه‌رێکی گه‌وره‌ی کورد خۆشم ده‌ویست. کاتێک که‌ بوومه‌ پێشمه‌رگه‌، که‌سایه‌تی‌و بیرو ئه‌ندیشه‌ی دوکتۆر قاسملووم تا راده‌یه‌ک له‌ نێو حیزبی دێموکرات‌دا ناسی. کاتێک که‌ له‌ تورکیه‌ په‌نابه‌ر بووم، جارێک له‌ که‌سێکی سه‌ر به‌ کۆمه‌له‌م پرسی که‌ ئه‌ندامی کام حیزبه‌، ئه‌ویش وڵامی دامه‌وه‌ که‌ کۆمونیسته‌. به‌و وڵامه‌ زۆر تووڕەو عاجز بووم. له‌به‌ر ئه‌وه‌ی من لێم نه‌پرسی بوو که‌ چ ئیدئلۆژیەکی هه‌یه‌. به‌ڵام ئه‌و ئایدالۆژیای کردبووه‌ جەوهەری پێناسه‌ی خۆی. که‌ بیرم لێ ده‌کرده‌وه‌، ده‌مبینی که‌ هیچ یه‌ک له‌و ئایدالۆژیانه‌ به‌ قه‌ده‌ر بیرو ئه‌ندیشه‌ی قاسملوو ئینسانی نین. بۆیه‌ به‌ کاک مه‌نسوور عه‌زیزیم وت: پێیویسته‌ که‌ ئێمه‌ش قاسملووئیست بین. ئێستاش هه‌ر له‌ سه‌ر ئه‌و بۆچوونە سوورم. له‌به‌ر ئه‌وه‌ی که‌ به‌ لێکۆلینه‌وه‌ش بۆم ده‌رکه‌وتووه‌ که‌ ئینسانیترین ئه‌ندیشه‌ ئی قاسملووە.

ئەو پەڕتووکە تاکوو چ ڕادەیەک چالاکانی بیانی لەگەڵ بیرو رێبازی قاسملوو ئاشنا دەکات؟
زۆبه‌ی هاوپۆلەکانم که‌ له‌ گه‌ڵم بوون، هه‌ر وه‌ها ئه‌و مامۆستایانه‌ی که‌ له‌گه‌ڵیان له‌و باره‌وه‌ باسمان کردووه‌، بیرو باوه‌رو ئامانجه‌کانی دوکتۆر قاسملوویان زۆر به‌ گرینگ داده‌نا بۆ قوتار بوونی ئێران له‌ ده‌ست دیکتاتۆری. وه‌ک که‌سایه‌تیش پێان زۆر که‌سایه‌تیه‌کی گه‌وره‌ بوو له‌ به‌ر خاتری ئه‌و نه‌زه‌رانه‌ی که‌ هه‌یبووه‌. دوکتۆر کارۆل پروونهابێریش چاوی به‌و نووسینه‌ که‌وتووه‌، زۆری پێ باش بوو له‌ باری نێوه‌رۆکه‌وه‌و بۆ خۆی له‌ نامەیەک‌دا بۆی نووسیوبووم که‌ ئه‌و کتێبە هۆکارێک بوە کە دوکتۆر قاسملوو له‌ باری فکریه‌وه‌ باشتر بناسێ.

ئەو کتێبە چی نوێمان لەسەر ڕوانگەکانی دوکتۆر قاسملوو سەبارەت بە پرسی دێموکراسی پێشکەش دەکات؟
ئه‌وکتێبه‌ له‌ باری دێموکراسی‌دا ئێمه‌ فێر ده‌کا که‌ کاتێک مه‌سه‌له‌ن دوکتۆر باس له‌ سیمای دێموکرات ده‌کات، ده‌یه‌وێ که‌سایه‌تی دێموکرات په‌روه‌رده‌ بکا. له‌ به‌ر نه‌بوون یان که‌می که‌سایه‌تی دێموکراته‌ که‌ رۆژهه‌ڵاتی نێوه‌راست به‌ ده‌ست دیکتاتۆرییەوە ده‌ناڵێنێ. باس له‌ گرینگی دێموکراسی نێوخۆیی حیزب‌و له‌ کوردستانێک‌دا کورد مافی خۆی به‌ ده‌سته‌وه‌یه‌‌و له‌ ئێران‌دا بۆ چی گرینگه‌. باس له‌ دادپه‌روه‌ری ده‌کات. نه‌زه‌ری دوکتۆر قاسملوو له‌گه‌ڵ تئۆریسیه‌نه‌کانی دیکه‌ به‌راورد ده‌کاو پاشان شی دەکاتەوە. ئه‌وه‌مان فێر ده‌کات که‌ قاسملوو باش دەیزانی له‌ تاکه‌کان را تا حیزب‌و کۆمه‌لی کورده‌واری‌و هه‌موو نه‌ته‌وه‌کانی ئێران‌و دونیا بۆ ئه‌وه‌ی که‌ به‌سه‌ر چاره‌نووسی خۆیان‌دا زاڵ بن‌و به‌ ئاشتی بژین، ده‌بێ هه‌موویان ته‌مرینی دێموکراسی بکەن‌و هەروەها بۆ دێموکراتیزه‌ کردنی کومه‌ڵ ده‌بێ له‌ تاکه‌کان را ده‌ست پێ بکرێ.
دێموکراسی کلیلی نه‌هێشتنی ته‌په‌سه‌ری کۆمه‌لایه‌تی، ئابووری، سیاسیی، کولتووری‌و هه‌ر چه‌شنه‌ توندو تیژیه‌که‌.

بە باوەڕی ئێوە وەکوو نووسەری ئەو پەڕتووکە ئایا ئەندیشەکانی دوکتۆر قاسملوو لە کرداری درێژەدەرانی رێبازەکەی‌دا بوونی بەرچاوی هەیە؟
دوایین پرسیار زۆر زه‌حمه‌ته‌ که‌ وه‌ڵام بدرێتەوە. به‌ کورتی‌و به‌ کوردی جوابم بۆ ئه‌و پرسیاره‌ ئه‌وه‌یه‌ که‌ به‌ داخه‌وه‌ هێندێک له‌و که‌سانه‌ی که‌ خۆیان به‌ رێبواری دوکتۆر قاسملوو داده‌نێن‌و پێان وایه‌ که‌ له‌ هه‌موو که‌س زیاتر له‌ دوکتۆ فێر بوون‌، بە هێنانه‌ خواره‌وه‌ی حیزب له‌ قه‌ندیل، سه‌ربه‌خۆیی سیاسیی‌ بڕیاردانی حیزبیان وا کرده‌ فیدای خۆیان که‌ هه‌موو رێبوارانی رێگای دوکتۆر قاسملوو پێوەی‌ سووتان. که‌ سه‌ربه‌خۆیی سیاسیی‌و بریاردان نه‌ما، به‌شه‌کانی دیکه‌ی ئه‌ندیشه‌ی دوکتۆر قاسملوو بێ نێوه‌رۆک ده‌بێ. هەڵبەت کۆمەڵێک له‌ رێبوارانی رێگای قاسملوو هەمیشە حه‌ولیان داوە کە سەربەخۆیی سیاسیی‌و بڕیاردانی حیزب بپارێزن، هیوادارم که‌ سه‌رکه‌وتوو بن.

وێنە: بەرگی کتێوی "دێموکراسی لە روانگەی دوکتۆر قاسملوو"

عەلی مونەزەمی لە چەند دێڕێکدا:
ساڵی ١٩٧٨ له‌ ناوچه‌ی برادۆستی شاری ورمێ چاوی بە ژیان هەڵێناوە. دواتر تاکوو پۆلی سێی دواناوه‌ندی خوێندووه. پاشان دەبێتە پێشمەرگەی حیزبی دێموکراتی کوردستانی ئێران‌و ساڵی ٢٠٠١ وەکوو پەنابەری سیاسیی لە وڵاتی نوروێژ دەگیرسێتەوەو وێرای ژیان لەو وڵاتە پلەکانی خوێندن یەک لە دوای یەک بە سەرکەوتوویی تەواو دەکات.

Friday, February 3, 2012

خاوەن شکۆ

رەحیم رەشیدی

بێ هێزو ماندوو لێرە پاڵم بە کۆڵەکەیەکی بەردینەوە داوە. چرای گەران بە نێو کۆڵانی دوورو درێژی بیرەوەرییەکانم هەڵکردوەو بە دەم قاوە خواردنەوە، بەرەو قوڵتریین‌‌و دوورتریین شوێنەکانی یادوەری دەچم؛ دەچم بەڵکوو لاپەڕەیەک‌ هەڵدەمەوە بۆ ئەوەی بیانوویەک ببینمەوە تاکوو بزە برژێتە سەر لێوە ویشک هەڵاتوەکانم.
لەگەڵ هەناسە هەڵکێشان بۆ ڕابردوویەک کە هەر دەم لق‌و پۆپەکانی لە ئێستا‌م‌دا شۆڕ بۆتەوە، بە خۆم دەڵێم کە تۆ سەرزەمینی هیواو ئاواتەکانی، بەو هەموو ژیری، شکۆمەندی‌و جوانییەوە کە تێت‌دا کۆبۆتەوە، مادام ڕژابێتمە رۆحتەوەو لەگەڵت‌دا نوقمی سێحراویتریین ساتەکان بووبم‌و ئارەزووی دووپات بوونەوی ئەو ساتە وەختانە بخوازم کە لەگەڵ تۆدا تێپەڕ بوە، دەکرێ شایی بە خۆ بم‌و خۆم وەکوو ئیمپراتورێک ببینم...
خاوەن شکۆ، تۆ هەر دەم لە لام شایانتریین پاشای ئیمپراتوریەتی ئەشق‌و نموونەی بووژانەوەو ژیانێکی پڕ ماناو ڕازاوەی ئەم سەردەمەی، کە ناچاریین هەر دەم شتێک لە خۆمان کاڵ کەینەوە بۆ ئەوەی بۆ درێژەدان بە ژیانێکی کولە مەرگی جێگامان بێتەوە...
هەموو کات کە دەخوازم لاپەڕەیەک ڕەش کەمەوە، هەموو دەمێک کە زەینم سەرقاڵی دووپات کردنەوەی فیلمی یادەکانتە، هەر ئانێک کە پەنجەکانم لەسەر کیبۆردی ئەم کامپیوتێرە سەبارەت بە تۆ دەکەونە سەما کردن‌و دەجولێن، حەول دەدەم تەنیا بیر لە خۆشی‌‌و شادی بکەمەوە، تێدەکۆشم هەرچی شتی جوان‌و باشە بیخزێنمەوە هەناومەوە بۆ ئەوەی هەر سپی‌و بێ خەوش لە دەروونی هەرگیز ئۆقرە نەگرتووم‌دا بتپارێزم.
ئەزانی، کە لێت دوورم بەردەوام بە دوای هێوری‌و ئارامی‌دا عەوداڵم‌، کە دەگەمە تۆ ئەی شاجوانی خەونەکانم، ژیان کەلاو دەکات لە ئۆقرەو دڵە ڕاوکە هەر دەڵێی نەبوەو نیە.
ڕەنگە زۆر جاران بە خۆم بێژم کە جیا لە دەستەکانی من، پەنجەی پیاوانی دیکەش لە نزیک‌و دوور لە دەستەکانت هەڵپێکراون‌، بەدەر لە ئامێزی من، باوشی کوڕی دیکەش تۆیان لە خۆیان‌دا حەشار داوەوو ڕەنگە هەنووکەش‌و لە داهاتووش‌دا بیدەن.
زۆر جاران بە یەقینێکی سەیرەوە پێم وایە کە تۆ نەک لەگەڵ من، لە تەک کەسی دیکەش بوویت‌، هەیت‌و دەبیت؟. ڕاست لە کاتێکدا کە وەها بیرو هەستێک لە دڵ‌و مێشکم‌دا جێدەگرێ، من قاقا بە خۆم پێدەکەنم‌، ئەرکی نوێ بۆ خۆم دەست نیشان دەکەم، بە باوەڕێکی نەگۆڕەوە بە خۆم دەڵێم: " ڕەحە گیان، لە نێو دەریای پڕ لە شەپۆل‌و تەکانی عەشق‌‌دا نە کەس بکە کۆیلەی خۆت‌و نە دیلی هیچ سۆزو هەستێک بە، شتێک بە زارت‌دا نەیەت کە ئەو دڵەی بە تۆ سپێردراوەو وەکوو پەڕی گوڵ وایە خەوش هەڵگرێ، بۆ ئەوەی رێزی ئەوین‌و ئەوینداری لە ئاستی هەرە بەرزی خۆی‌دا بمێنێتەوەو نابێ بەرەو خوار داکشێ‌، تکایە با گومان‌و دڵ پیسی کۆشکی سارێژ لە بۆن‌و بەرامەی خۆش‌و ڕازاوەی ئەوین ناحەزو خەوش‌دار نەکات...".
ئەمانە بە خۆم دەڵێم‌و ئیدی هەر بەو جۆرە کە بوویت‌و هەیت لە هەموو ساتەکانم‌دا لە دایک دەبیتەوە. بە بێ ئەوەی هەوڵ بدەم ببیتە ئەو شتەی کە من دەمهەوێ، ئەمەش یانی عاشق بوون لەوپەڕی خۆی‌دا...
گرینگ ئەوەیە من بە مەزنی‌و پاقژی بیرت لێبکەمەوەو بە کردەوە ئارەزوو بکەم کە تۆ بۆ دیداری داهاتوو سڵامەت‌ بیت‌، ئەبێ خۆم بە بەختەوەرتریین پیاوی دونیا بزانم کە باغچەی ژیانم بە گوڵی یادەکانی تۆ دەڕازێتەوەو تابلۆی عەشقم بە ژیننووسی ژیانی تۆ دەرەنگێت.
ئەمە ئەو ساتەیە کە ئەفسانەی عەشقی تۆ هەر دەم تێیدا نۆژەن دەێتەوەو بەردەوام رۆح بە بەری‌دا ئەکرێتەوە. ئیدی ئەم وەختەیە کە لە دڵەوە هیوا دەخوازم‌و ئارەوزوو دەکەم کە تۆش هەمیشە تەژی بیت لە دیلان‌‌، شادمانی لە نێو دەمارەکانت‌دا بێت‌و بچێت.
ئەزانی، ئارەزوو دەکەم لەم وەرزی زستان‌و سەغڵەتییەدا، کە سەرما وەکوو تۆڕێک، وەک جاجم، لێفە، یان مەلافەو پارچە پەڕۆیەک کە مرۆڤ بەسەر خۆی‌دا دەکێشێ‌و لەشی لە بن‌دا دەشارێتەوە، هەموو وڵاتی داگرتوە، لە ئامێزت گرم‌و بۆنت پێوە بکەم.
کەسەکەم من هەر بە گەرمی بیرت لێدەکەوەو دڵم وەکوو جاری جاران بۆت سارێژ لە ئەوین‌و خۆشەویستییە. عەشقی تۆ لە دەمارەکانم‌دا وزەی ماناوەیەو سڕی بەردەوام بوونی ژیانی منە کە وەها پێستمی لە ئاست دژواری‌و نەهامەتییەکان‌دا ئەستوور کردوە...
هەر ئێستا ماشێنی بیر کردنەوەم بە بێ ئەوەی لە هیچ بەفرو شەختەیەک‌دا ڕاوەستێ، سنوورەکان تێپەر دەکات‌و دەگاتە لات، وەکوو جاران بە کراسێکی سپییەوە لە پشت ماشێنێک دەستم لە نێو دەستت ناوە، تۆش باوانەکەم بە پێناسێکەوە بە بێ ئەوەی ناوی باوکتی لەسەر بێت، بە ئەسپایی دەستت تێوەرداوەو بە کێڵگەکانی مین‌دا گوزەرت کردوەو سنوورەکانت‌ تێپەڕاندوە، گەیشتوویتە لام‌و تێک ئاڵاوین‌‌و دونیای ئێمە گەرمایی لێدەچۆڕێ...
کەسەکەم، شادمان‌و سڵامەت بە بۆ دیدارێکی دیکە.
ئارەزووت دەکەم.
واشینگتۆن
٠٢ ٠٢ ٢٠١٢