رۆژی سێشه‌ممه رێکه‌وتی 8ی جوون، وه‌ڤدێکی رێکخراوی مافی مرۆڤی کورد له ئامریکا که پێکهاتبوون له ره‌حیم ره‌شید‌ی‌و کاڕۆڵ هاڵ به سه‌رۆکایه‌تی دوکتۆر په‌ری قه‌ره‌داغی کاتژمێر 11ی سه‌ر له‌به‌یانی له ده‌فته‌ری "جێری کۆنڵی" که نوێنه‌ری ویلایه‌تی ویرجینیا له کۆنگره‌ی ئامریکایه، به گه‌رمی پێشوازیان لێکرا.له‌و دیداره‌دا باس له هه‌لومه‌رجی سیاسیی رۆژهه‌ڵاتی نێوه‌راست به شێوه‌یه‌کی گشتیی کراو تیشک خرایه سه‌ر بارودۆخی خراپی مافی مرۆڤ له ئێران‌و سووریه‌و له‌و باره‌وه تیمی رێکخراوی مافی مرۆڤ داوایان له‌و ئه‌ندامه‌ی کۆنگره‌ی ئامریکا کرد که بۆ جێبه‌جێ کردنی کاروباری په‌نابه‌ران له ئازه‌ربایجان، که‌مپه‌کانی کوردی ئێرانی له کوردستانی عێراق، تورکیه‌و ئورووپا یارمه‌تی‌و پشتیوانیان بکات‌و هه‌وڵ بدرێ که له‌و پێوه‌ندییه‌دا ئاسانکاریه‌کی پتر بۆ رێکخراوی مافی مرۆڤی کورد له ئامریکا بکرێ، تاکوو ئه‌وانیش بتوانن له ئاست چاوه‌ڕوانییه‌کانی په‌نا‌خوازو په‌نابه‌ران‌دا کاره‌کانیان ڕاپه‌ڕێنن
جێری کۆنڵی ئه‌ندامی کۆنگره‌ی وڵاته یه‌کگرتوه‌کانی ئامریکا، وێرای ده‌ربڕینی خۆشحاڵی خۆی له‌و چاوپێکه‌وتنه بڕیاری‌دا که له لایه‌ن خۆیه‌وه کار بۆ ئه‌و مه‌سه‌لانه بکات‌و زانیارییه‌کانی وه‌ڤدی رێکخراوی مافی مرۆڤی کوردی سه‌باره‌ت به مه‌سه‌له پێوه‌ندیداره‌کان به گرینگ‌و پڕبایه‌خ هه‌ڵسه‌نگاند.
ڕاپۆرت:
رێکخراوی ماڤی مرۆڤی کورد له ئامریکا
No comments:
Post a Comment