وێنە: دوکتۆر جابیر حەبیب باڵوێزی عێراق لە واشینگتۆن‌و رەحیم رەشیدی
رێکه‌وتی 26ی ره‌شه‌مه‌ی 1390ی هه‌تاوی، بەرانبەر بە ١٦ی مارسی ٢٠١٢ی زایینی، رێوڕه‌سمێکی تایبه‌ت به 24مین ساڵیادی کاره‌ساتی هه‌ڵه‌بجه به پشتیوانیی حکوومه‌تی هه‌رێمی کوردستان له باڵوێزخانه‌ی عێراقی فیدراڵ له ئه‌مریکا به‌ڕێوه‌چوو.رێوڕه‌سمه‌که به وتاری به‌ڕێز دوکتۆر "جابر حه‌بیب"، باڵوێزی عێراقی فیدراڵ له وڵاتی ئه‌مریکا سه‌باره‌ت به کارده‌ساتی هه‌ڵه‌بجه، ده‌ستی پێکرد.دواتر به‌ڕێز "قوباد تاڵه‌بانی" نوێنه‌ری حکوومه‌تی هه‌رێمی کوردستان له واشینگتۆن وتارێکی سه‌باره‌ت به کاره‌ساتی کیمیاباران کردنی هه‌ڵه‌بجه‌‌و رۆڵ‌و پێگه‌ی ئه‌و شاره له به‌ستێنی رووناکبیریی کورددا خوێنده‌وه.پاشان به‌ڕێز "دوکتور مایکه‌ل نیۆتۆن" مامۆستای زانستگا و کارناسی پله‌به‌رزی بواری کۆمه‌ڵکوژیی کوردان، وتارێکی له‌سه‌ر کاره‌ساتی هه‌ڵه‌بجه پێشکه‌ش کرد و ئه‌وه کاره‌ساته‌ی وه‌کوو ژینووساید و کوشتاری به کۆمه‌ڵ له قه‌ڵه‌م دا.
وێنە: دیمەنێک لە کوڕیادی هەڵەبجە
No comments:
Post a Comment