![](https://blogger.googleusercontent.com/img/b/R29vZ2xl/AVvXsEhOd2zmlHoHCCT2NQvS3zgXNXdnmlOyuZoppG2VLdSCp44kZqT-0L9mYWdxleo7Mq1ADIJxtfFpW87gLS-LEhxVGXL_m3evmZYBe3a2ltmxQg3vG3DUb9vhAyNwf9k9ihq9DkPPeA/s3200/150488_10153915859560392_13881261_n.jpg)
![](https://blogger.googleusercontent.com/img/b/R29vZ2xl/AVvXsEhPULdcy1hCCjlqdqT52yuF91F91N8b42QWWUkRxcRhAb_w5RgLoEdUCteEUq9CgOCDL8Pet1Uu-6fh40peJdoL4k_HP_c3HhW8uUZ48QoPnUaXN7QhKWlHYxHHgHqIJ-Bvw4pfcQ/s3200/1978471_227513150776410_504488767_o.jpg)
رەحیم رەشیدی / واشینگتۆن
بە دەستپێشخەری، رێکخراوی ئەنجومەنی کورد و ئەمریکا لە نیویورک و بە پشتیوانی دەست مایەدارێکی کورد، رەوەندی کوردی لە شاری بینگهامتۆن لە ویلایەتی نیویورک، چێژنی نەورۆزیان پیرۆز کرد.
لە دەستپێکی بەرنامەکەدا، سرودی ئەی رەقیب و سرودی نەتەوەیی ئەمریکا پێشکەش کرا.
دواتر قایمقامی شاری نینگهامتۆن، لە وتەیەک دا پیرۆزبایی چەژنی نەورۆزی لە کورد کرد و خۆشحاڵی خۆی بۆ بەرێوەچوونی ئەو رێورەسمە دەربری و رایگەیاند کە بە دۆستایەتی و پەیوەندیی باشی رەوەندی کوردی دانیشتووی شارەکە، لەگەڵ ئەمریکایەکان سەربەرز و خۆشحالە.
ئەوجار کورتە باسێک دەربارەی نەورۆز بە گشتیی و گرینگی ئەم یادە بۆ نەتەوەی کورد پێشکەش کرا. هەروەها چەند پارچە شێعر و پەخشان لە لایەن بەشدارانەوە خوێندرایەوە.
شیاوی باسە رزوان زێباری ئەندامی ئەنجوومەنی کورد و ئەمریکا ئاشکرای کرد کە لە رێورەسمی یادی نەورۆزدا، وێرای ژمارەیەکی بەرچاو لە رەوەندی کوردی لە ولایەتی نیویۆرک، قایمقامی شاری بینگهامتون و نوێنەرایەتی حکومەتی هەرێمی کوردستان لە واشنتن و ژمارەیەک لە قوتابیانی کوردی بواری توانسازی حکومەتی هەرێم کە لە کە زانکۆی ماریورد لە ویلایەتی پەنسلڤانیا سەرقاڵی خوێندنن، ئامادە رێورەسمەکە بوون.
دواین بڕگەی یادی نەورۆز، شایی و گۆڤەندی ئامادەبووان بوو.
No comments:
Post a Comment